மானம்

உன்
கோவணம்
அவிழ்க்கப்பட்டதா?
அவன்
கைகளை
வெட்டு.
கெஞ்சி வாங்கி
கோவணம்
கட்டாதே
அம்மணமாகவே
போராடு.
-காசி ஆனந்தன்

நண்பர்கள்

பேருந்து நிறுத்தத்திற்குச்
சற்றுத் தள்ளிநின்று
பேசுகிறவர்கள்
காதலர்கள்

நிறுத்தத்திலேயே
நின்று
பேசுகிறவர்கள்
நண்பர்கள்

பிழைப்பு

இந்தி படித்தால்
இந்தியாவெங்கும் பிழைக்கலாம்...
ஆங்கிலம் படித்தால்
உலகமெங்கும் பிழைக்கலாம்...
எப்போது வரும் தமிழனுக்கு
தமிழ்நாட்டில் பிழைக்கும் எண்ணம்?

தோழர்கள்

நாங்கள் நடந்து கொண்டே இருப்போம்...
எங்கள் கால்கள் நடையை நிறுத்தாது!
நாங்கள் எழுதிக் கொண்டே இருப்போம்...
எங்கள் கைகள் எழுதுவதை நிறுத்தாது!
நாங்கள் பேசிக் கொண்டே இருப்போம்...
எங்கள் உதடுகளும் நாவுகளும் பேசுவதை நிறுத்தாது!
ஆழமான கொள்கைக்கு சொந்தக்காரர்கள் நாங்கள்!!
நாங்கள் மனிதகுல விடுதலைக்கு போராடும் தோழர்கள்....